نصائح علشان حبيبتك تحبك اوي

اولا : بلاش تصدق اي حد يقولك ان البنت بتحب الولد العاقل لان الراجل العاقل تعجب بية بس لكن مايخطفش قلبها ولو حبيت تعمل عاقل اعمل بس بمسكنة شوية قال يعني انك المعذب في الدنيا وان الدنيا هي الي خليتك تستخدم عقلك وتموت عواطفك يعني خليك حريك كدة وحسيسها انك محتاجلها

ثانيا : البت بتحب الواد الرومانسي يعني الي يضحك عليها يعني اهريها كلام حب وياريت تمسك ايدها وتقولها انتي رجعتيلي حياتي اوعي تبعدي عني ....يعني تعملها قيس كدة وهو جي علي الحمار المكسح

ثالثا : البنت بيانب ضمرها اوي الواد الي واخد بومبة يعني متفرقع من واحدة تانية يعني يا ريت ترسم عليها الدور كويس وتقالها انها عملت وعملت الي انت كنت بتحبها قبليها وانها سابيتك في عز احتياجك ليها ودمعلها وتقالها ارجوكي مش عايز افتكر حاجة انتي عارفة يعني اية كرامة الراجل لازم تنزل دموع التماسيح كويس اوي .......... حسيسها انك محتجلها ومتخفش هي زي الهابلة هتقع وهتصدق

رابعا : البنت بتحب الواد الاستيل والعضالات......... وطبعا انت الاستيل ممكن تتصرف فيها وتستلف ملابس اي حد لكن المشكلة في موضوع العضلات انت ممكن تلبس هدوم كتير علي بعض او حل تاني تقولها انك كنت عضلات زمان لكن من ساعة الي حصلك من البت الي فاتيت وانت بتاكل في نفسك ومعلش انك هتحاول تاكل كويس وتلعب رياضة

خامسا : البت بتحب الواد ابو دم خفيف يعني بلاش تكون نكدي معها

سادسا : البت بتحب الواد الجاد في شغلة اوي يا سلام ترسملها الدور كدة كويس اوي انك زويل في مجالك وانك بتعمل شغل ماحصلش وتحسيسها بالذنب بانك بتضحي بوقتك علشان تكون معاها .......... طبعا لازم تكون ناصح علشان تكلم غيرها في الوقت تاني ويا سلام بقا يا واد لوتحكيلها قد اية انت بتقاسي وانك مستحمل العذاب علشان عش العصفور

سابعا : البت بتحب الواد الي يحسيسها بجملها وقد اية هي طيبة وغلبانة وذكية وتحسيسها انها هتفضل جواك علي طول في كل لحظة رغم ان في كتير هيموتوا عليك ولازم تخوفها كتير انك ممكن تضيع من غيرها وانك نفسك انها تكون اخر واحدة في حياتك زي ما انت حاسيس انها الاولي حاليا يعني بالعربي حسيسها انها الاميرة الحافية

ثامنا : اتمحك فيها كل شوية تكلمها وتحسيسها انها في بالك علي طول .......يعني اول ما تصحة من النوم اتصل بيها او ابعتلها رسالة ولما تفطر ولما تتغدي ولما تتعشا كدة يعني ويا سلام لو هي بتشتغل اقرفها كل شوية وكلمها وقولها انك قلان عليها وانك مش بتستريح غير لما تكون في البيت......... قولها وحشتيني موت وانك نفسك تكون معاك في كل لحظة يعني خليك واد حريك خليها كدة تحس ان ما فيش حد بيحبها في الدنيا دية قدك

تاسعا : حسيسها انك واد بس اة ست بيت بتعرف تعمل كل حاجة وهتساعدها في بيتكم......... بالعربي كدة عرفها انك هتشارك معها في كل حاجة قولها يا حياتي دة انا نفسي اخليكي اميرة تقعدي كدة والناس كلهم يخدموكي دة انا يا توتة اخدمك برموش عنيا حتي لو رموشك وقعة عرفها يعني انك راجل بمعني الكلمة يعني كدة تكون سبع رجالة في كرتونة واحدة

عاشرا: بالرغم من انك راجل شرقي قولها انك بتامن بحرية المراءة وان المراءة تلبس الي هي عايزة بس في حدود الادب وانك عايزها تلبس كل الحلو ليك بس في بيتكم ....يعني حسيسها انك بتفهم في الزوق ولو ما تعرفهوش هات كتاب الحياة ........عرفها انك واد حمش

الحادي عشر: حسيسها انك راجل مخك كبير اوي وانك هتستحملها في وقت غضبها رغم انك عصبي ودية علشان تعرفها قد اية انك بتحبها وعرفها انك هتقف جنبها في كل مشكلها .........ولما تحصل مشكلة يبقي اتلككلها علي اي حاجة

الثاني عشر: عرفها انك مش بتحب اي حد يكلمها غيرك وانكم زي بعض في كل حاجة حتي من كتر حبك ليها انت بقيت شكلها ........قال يعني هي مسيطرة عليك

الثالث عشر: قولها ان مافيش حد هياخد مكانك وانك مهما تعملي هفضل احبك بالرغم ان دية مش مبادئك بس سبحان اللة انت مستعد تتنازل عن اي حد في الدنيا الا انتي........... عرفها انك عندك مبادئ وانك متمسك بيها

ملاحظة:
لو البيت وقعت فيك وماتيت في دبابيبك فتحها في موضوع الارتباط واشرحلها ظروفك الي ذي الزفت وانها هتعب بس في الاول ........بس هتشوف حياة تانية خالص بعد الجواز وانك حبك هيكبر ليها بعد الجواز خليها تحلم بالجنة الي عمرها ماهتشفها واعمل انك نفسك انها تكمل معاك للنهاية وانك خايف لمتستحملش معاك المشوار يعني اتقل عليها شوية وحسيسها انك خايف منها .....امال خليها هي الي تقرب وانت افضل مكانك بس مش كتير اوي احسن تزهق وتفوق

لو البيت عمليت عبيطة ومش واخدة بلها منك افهم انها مقطعة السمكة وديلها وانها سمعت الكلام دة كتير قبل كدة

زائر

انا عندى نصايح يمكن تنفع بردو اول حاجة اضرب شعرك سشوار جامد وحط كريم بالمرز والبس الحتة اللى على الحبل وسقط البنطلون وامشى بتناكة يساوى البت وقعت فيك وكسبت يا برنس وشكرا يا بوسى على التوبيك الجامد ده وانتى كل التوبيكس بتاعتك حلوة زيك

ميرسي يا رامي علي النصايح اللي تودي في داهيه
وميرسي علي ردك يا جمييييييييييييييييييييل

زائر

هههههههههههههه هى تودى فى داهية فعلا وانا بهزر ياجماعة بس حته سشوار مش هتعمل حاجة يعنى وانتى اجمل يا قمر cheers

طيب احنا برده ممكن نجرب النصايح دي طبعا انت تؤمر يا روميو
وميرسي يا اجمل روميو

زائر

ربنا يخليكى ومبروك يانائب المدير

الله يبارك فيك
ومبروك يا حضره المشرف العام

هاهااااااااااااا والله الموضوع ده يودى البنات فى داهيه وياسلام لو الواد بيكدب عليهااااا
والرد بتاعك ياروميو بتاع تسقيط البنطلون والحوارات دى هى اللى نافعه اليومين دول
انا الحمدلله سايبه الولاد كلها فى حالها الا الممثلين بقى وكده
وميرسى جدااااااااااااااا على الموضوع الجامد ده

والولاد ياريت متهيصوش اوى بالكلام ده...يعنى يوم ماتمسك ايد بنت شويه وسبها عشان لو فضلت
ماسك فيها هتعرق والبنت هتحرم
ومتدحكش عليها وتقولها انتى احلى وحده قابلتها وتبقى معفنه ليه الاحبااااااط ده

ههههههههههه
ميرسي يا sawyer
علي ردك الجميل

زائر

ههههههههه حلوة ياسوير وانا اطول امسك ايد حبيبتى دنا لو مسكتها هكلبش فيها ومش هسيبها ابدا

ههههههههههههه

لا والله هكلبش فيها ومش هاسيبها ابداااااااا
ماشي ماشي
ومين دي بقي حبيبتك

فى خناقه هتحصل هنا ولا انا بيتهيألى
هههههههه

ايوه مش انتي رايك من رايي برده يا سوير

اكيييييييييد انا مع البنات يبقى انا معاكى
بس هخلى الخناقه بينكوا انتوا الاتنين وانا كل اللى هعمله ههدى النفوس

ماشي ياسوير
ميرسي طبعا
اهم حاجه طبعا اننا نهدي النفوس

اكييييييييييييد امال تشعليليها لا حرام
انتوا بس اتخانقوا وانا هشوف شغلى

ههههههههههه
دمك خفيف اوي يا سوير زي العسل بجد
ميرسيييييييييييييييي

شكرا ربنا يخليكى
انتى كده بتحرجينى Embarassed

العفو يا قمر علي ايه
بجد كل مواضيعك حلوه وشغلك جميل

شكرا

انا عارفاكى يا سوير لما تيجى تهدى المواضيع بتهديها خالص حتى انها مش بتتفتح تانى خالص من كتر ما انتى بتهديها و ربنا يقويكى و تشعللى المواضيع اكتر قصدى تهديها

ربناااااااا يخليكى يا يويو
شكلك ناويه على فضحيه صح
افضحيناااااااا ماشى هنردهالك فى الافراح

ميرسي يا يويو
ميرسي يا سوير
انت دويتو تحفه

ميرسى جدااااااااا يا قمر شكرا